Bubuo na ng Special Investigation Task Force ang mga otoridad na tutok sa imbestigasyon sa kaso ng pamamaslang ng radio reporter na si Cornelio Pepino mula sa Sibulan Negros Oriental.
Ayon kay Philippine National Police (PNP) Region 7 director Police Brigadier General Ignatius Ferro, bubuuin ang naturang task force ng Sibulan at Dumaguete Police, PNP Criminal Investigation at Detection Group, at intelligence personnel.
Kasabay nito, tiniyak ni Ferro sa pamilya ng biktima maging sa media na sisikapin nilang magbigyan ng hustisya si Pepino.
