Malabong magamit ng Maute Group ang tangke ng PNP Special Action Force na nabalahaw sa gitna ng bakbakan sa Marawi City.
Ayon kay PNP Chief Director General Ronald Dela Rosa, mahihirapan ang mga terorista na iangat ang nasabing tangke mula sa pagkakahulog nito sa kanal dahil kakailanganin ng malaking tow truck para rito
Mismong ang PNP aniya ay hindi ma-retrieve ang tangkeng nasabugan ng landmine kaya iniwan na lang ito ng mga pulis doon.
Pero, aminado si Dela Rosa na posibleng magamit ng mga Maute ang mga armas sa loob ng tangke gaya ng Caliber 50 machine gun.
By: Meann Tanbio / Jonathan Andal
