Pinasok ng mga kagawad ng MPD o Manila Police District ang tanggapan ng Aegis Juris fraternity sa kanto ng Laong-Laan at Alfonso Mendoza sa Sampaloc, Maynila.
Ginawa ito ng MPD sa bisa ng search warrant na naibigay sa kanila ng Korte.
Layon nito na maka-kalap pa ng karagdagang ebidensya para patunayang sa hazing nasawi si Horacio ‘Atio’ Castillo lll.
Pinaniniwalaang sa tanggapan ng Aeigis Juris isinagawa ang hazing kay Castillo.
Matatandaan na sa Chinese Medical Center sa Maynila itinakbo si Castillo subalit idineklara rin itong wala nang buhay.
Samantala, nakalaya na pansamantala si John Paul Solano, isa sa mga suspek sa hazing kay Castillo sa bisa ng release order ng DOJ o Department of Justice.
