Umapela ang Department of Environment and Natural Resources (DENR) sa taong-bayan na itapon sa tamang basurahan ang mga gamit na face mask bilang pag-iwas na rin sa panganib na pagkahawa sa COVID-19 at pangangalaga sa kalikasan.
Ayon kay DENR Secretary Roy Cimatu, mapanganib sa mga terrestrial at aquatic animals ang mga basura gaya ng mga face mask na humahalo na sa mga yamang tubig ng bansa.
Sa pahayag naman kay DENR Undersecretary for Solid Waste Management (SWM) at Local Government Units (LGU) Concerns Benny D. Antiporda, mahalaga ang gampanin ng bawat pamilya sa pagbubukod ng gamit na face mask at iba pang basura.
Dagdag ni Antiporda, inatasan na nito ang mga LGU na ibukod ang mga medical wastes sa paghahakot pa lamang upang maayos ito sa sanitary landfills.
