Ipinapasara na ng Cavite LGU sa barangay Tambo Malaki sa Indang ang St. Anthony falls matapos malunod ang isang bata.
Ayon sa Cavite LGU, alas-2 ng hapon noong linggo, naliligo ang biktimang si Gabriel Rubillos nang bumigay ang mga sandbag barrier.
Dahil dito, natangay ng agos si Rubillos na agad ikinasawi nito habang narekober ang katawan nito isang kilometro mula sa talon.
Nangako naman ang LGU ng tulong sa pamilya ng nasawi.
