Aarangkada na ang malakihang dagdag presyo sa produktong petrolyo ng mga kumpanya ng langis bukas.
Batay sa abiso ng Pilipinas Shell Petroleum Corp at Seaoil Philippines Inc., may dagdag na .80 sentimos kada litro ng gasolina, P2.70 sa diesel at P2.90 sa kada litro ng kerosene.
Habang ang kumpanyang Cleanfuel naman ay magpapatupad ng kaparehong presyo maliban sa kerosene.
Epektibo ang oil price hike bukas ng ala-6 ng umaga.
Nakatakda naman ang taas presyo ng kumpanyang Cleanfuel bukas ng alas-4:01 ng hapon.
Samantala, hindi pa nag-aanunsyo ang ilang kompanya ng pagbabago sa presyo ng produktong petrolyo.
