Nag-anusyo ng taas presyo sa mga produktong liquefied petroleum gas (LPG) ang ilang kumpanya ng langis, sa susunod na buwan.
Sa abiso ng Petron Corporation, epektibo alas 12:01 ng hating gabi ng Nobyembre 1 ang P3.20 kada kilong dagdag sa presyo ng kanilang LPG.
Katumbas ito ng P35.20 na omento sa kada 11 kilogram na tangke ng LPG.
Habang may P1.79 na taas presyo sa kada litro ng kanilang auto LPG.
Ayon sa Petron, ang taas presyo ay bunsod ng pagtaas sa contract price ng LPG para sa buwan ng Nobyembre.
