Binawasan na ng Department of Tourism (DOT) ng isang buwan ang suspensyon laban sa Berjaya Hotel – Makati.
Sa halip na tatlong buwan, ginawa na lamang itong dalawang buwan ng DOT Matapos umapela ang Berjaya.
Pinagtibay din ng kagawaran ang suspensyon ng akreditasyon ng berjaya makati hotel matapos makalabas mula sa pagkaka-quarantine ang isa nilang covid positive guest na si Gwyneth Anne Chua o ‘Poblacion Girl noong Disyembre.
Sa ‘Notice of Resolution’ noong Enero 19, napatunayan na ang hotel ay “liable” sa paglabag sa government health and safety protocols.
Pinagmulta rin ng DOT ang operator ng Berjaya ng 13,200 pesos.
