Iniharap na ng MPD o Manila Police District sa mga miyembro ng media ang dating pulis na si PO1 Melvin Waga na nahaharap sa mga kasong pagpatay at frustrated murder.
Positibong kinilala si Waga ng kanyang naging biktima na si Christina Decena na nagtangka sa kanyang buhay noong taong 2013.
Agad ikinasa ng Philippine National Police o PNP ang kanilang operasyon laban kay Waga nang makatanggap sila ng impormasyon na nagtatago umano ito sa Manticao, lalawigan ng Misamis Oriental.
Hindi naman nabigo ang pinagsanib na puwersa ng MPD at ng Manticao PNP na maaresto si Waga mag-aalas onse ng umaga, Miyerkules.
By Jaymark Dagala | With Report from Aya Yupangco
