Inamin ni Dr. Chao-Tiao Yumol, suspek sa pamamaril sa Ateneo De Manila University, na tatlong beses umano siyang pina-ambush ng nasawing si dating Lamitan, Basilan Mayor Rose Furigay.
Sa Facebook post ni Yumol, kaniyang inihayag na lagi umanong pinagbabantaan ang kaniyang buhay mula nang ibulgar niya na talamak ang mga sindikato ng ilegal na droga at nakawan ng pondo sa Gobyerno sa Lamitan.
Samantala, sinita rin noon ni Yumol si dating Pangulong Rodrigo Duterte dahil nangako umano ito na tutulungan nito ang lahat ng magsisiwalat sa isyu ng korapsyon kung saan, handa siyang harapin at ipakita ang mga ebidensiya ng katiwalian.
Sa ngayon, deactivated na ang Facebook account ng suspek na ngayon ay hawak na ng mga otoridad.
