Inihayag ng Philippine National Police (PNP) na isolated case lang at walang kaugnayan sa sona ni Pangulong Bongbong Marcos ang naganap na pamamaril sa Ateneo de Manila University noong linggo .
Matatandaang tatlo ang nasawi habang dalawa naman ang sugatan sa pamamaril ng suspek na kinilalang si Chao-Tiao Yumol na residente ng Lamitan, Basilan.
Kabilang sa nasawi si dating Lamitan, Basilan Mayor Rose Furigay, kasama ang long-time aide nito na si Victor Capistrano at on-duty security guard na si Jeneven Bandiala.
Ayon kay PNP Director for Operations Maj. Gen. Valeriano de Leon, mas paiigtingin ng kanilang ahensiya ang pagbabantay sa pampublikong lugar para maiwasan ang kahalintulad na insidente.
