Tukoy na ng mga otoridad ang suspek sa pagpaslang sa mag – inang Ruby at Shania Nicole Gamos sa General Trias, Cavite.
Kinilala ang suspek na si Roel Kabigtingan na umano’y kalaguyo ng Ginang.
Sinabi ni Cavite Provincial Police Director Chief Superintendent William Segun na posibleng selos sa legal na asawa ang dahilan nang pagpaslang ng suspek sa mag – ina dahil nakatakda sanang mag – bakasyon ang asawa ng matandang biktima na si Marlon Gamos ngayong Disyembre.
Ilang beses na umanong nakikita ang suspek sa bahay ng mga biktima at hinihinalang umupa pa ng bahay sa Alapan sa Imus, Cavite kasama si Ruby.
Sinasabing natagpuan ang mga bakas ng semilya at ihi na indikasyong may lalaking kasama ang mga biktima sa kanilang bahay.
Si Kabatingan ay nakatakdang sampahan ng kasong murder.
