Naaresto na ang suspek sa pagpatay sa 11 anyos na babaeng natagpuan sa Valenzuela City nitong Huwebes, Enero 4.
Ayon kay Senior Inspector Jose Hizon, hepe ng Valenzuela City police Investigation and Follow-up, Huwebes ng dakong 8:00 ng gabi nang natimbog ang suspek sa pinagtatrabahuhan nito sa Barangay Malinta.
Inamin aniya ng suspek ang pagpatay sa pamangking si alyas ‘Eden’ ngunit itinangging ginahasa niya ito.
Nangangalap na ng ebidensya ang Valenzuela City police upang masampahan ng kaso ang tiyuhin ni Eden.
Natagpuan si Eden ng kanyang nakababatang kapatid sa loob mismo ng kanilang bahay sa Libis Bukid.
Laslas ang leeg ni Eden, nakababa ang salawal at may kutsilyong nakita sa paanan nito.
