Humingi ng tulong kay Senator Raffy Tulfo ang suspek sa pagpatay kay Jovelyn Galleno na sinasabing pinsan ng biktima na kinilalang si Leobert Dasmariñas sa Puerto Princesa Palawan.
Kasunod ito ng pag-amin niya na wala umano siyang kinalaman sa pagpatay sa kaniyang pinsan at iginiit na fall-guy lamang siya kung saan, mayroong mastermind sa naturang krimen.
Ayon sa suspek, hindi niya alam kung ano ang nangyari kay Jovelyn at nagulat na lamang siya na patay na ito makaraang matagpuan ang bangkay nito sa isang bukid malapit sa kanilang lugar.
Inamin din ng suspek na mayroong nagdidikta sakaniya sa loob ng kulungan para pagtakpan ang pagpatay kay Jovelyn na kinasasangkutan umano ng mga matataas na opisyal.
Dahil dito, humiling ng tulong ang suspek kay Tulfo na isa rin sa tumutulong sa kaso matapos pagbantaan ang buhay ng kaniyang pamilya kasabay ng pambubugbog sa kaniya ng mga sibilyan sa loob ng kulungan.
