Nakatakdang ihain ni House Committee on Appropriations Chairman at ACT-CIS partylist Rep. Eric Yap ang P50 bilyong supplemental fund para sa mga retiradong sundalo.
Ito aniya ang ipapalit sa nawawalang retirement fund ng mga sundalo na tinanggal sa pambansang budget nuong 2018 subalit ngayon lamang naisapubliko.
Ayon kay Yap, nadiskubre niyang wala sa ipinasang budget ang retirement fund para sa mga retiradong sundalo nuong 2018 hanggang 2019.
Subalit kaniya iyong nirepaso nuong isang taon matapos siyang maupo bilang chairman ng komite kaya’t isinulong niya iyon at inaprubahan.
Batay sa datos, aabot sa P23.5 bilyong ang binawas na pondo na nakalaan sana sa pensyon ng mga sundalo.
