Sasapat lamang hanggang Enero sa susunod na taon ang suplay ng bigas sa Pilipinas.
Ito ang sinabi ni Raul Montemayor, National Manager ng Federation of Free Farmers (FFF) sa panayam ng DWIZ, kasabay ng nararanasang baha sa Pakistan, na pinakamalaking exporter ng bigas sa bansa.
Ayon kay Montemayor, kung patuloy na tataas ang palitan ng piso kontra dolyar ay mababawasan ang bansang nagsusuplay ng bigas sa Pilipinas.
Dahil dito, nanawagan si Montemayor sa gobyerno na gumawa na ng aksyon para matutukan ang lokal na produksyon ng bigas.
Muli namang umapela si Montemayor kay Pangulong Ferdinand Bongbong Marcos Junior na huwag nang palawigin ang bisa ng Executive Order No. 171 na nagpapatupad ng mababang taripa sa bigas.
Hindi na aniya ito nakatutulong sa mga magsasaka na nalulugi na sa kanilang pangkabuhayan.
