Hinimok ng mga health professionals ang publiko na sundin ang priority list ng pamahalaan kasabay ng gagawing vaccination program sa bansa.
Ito ang pinanawagan ng Healthcare Professionals Alliance against COVID-19 matapos ang ilang balita na may bakuna kontra COVID-19 na ang ilang mga pribadong kumpanya at mga local government units (LGU)’s.
Ayon sa grupo ng mga health professionals, sa pagsunod sa priority list ng pamahalaan sa kung sinu-sino ang babakunahan, makasisiguro ang bansa na matitiyak ang kaligtasan ng mga indibidwal na kabilang sa vulnerable sectors.
Sa huli, giit ng mga ito na ang kasalukuyang sitwasyon na kinakaharap ng bansa ay panahon na dapat nagpaparaya ang bawat isa at hindi nag-uunahan o naglalamangan.
