Kinumpirma ni testing czar at bases conversion and development authority Pres. Vince Dizon na ilulunsad na rin nila ang contact tracing app na staysafe.ph sa mga transport terminal sa bansa.
Ito’y para aniya mapabilis pang lalo ang kapasidad ng pamahalaan hinggil sa contact tracing sa mga taong nakasalamuha ng isang COVID-19 postive.
Ayon kay Dizon, pangangasiwaan ang nasabing app ng Department of Information and Communications Technology (DICT) subalit mapupunta ang datos sa Department of Health (DOH).
Dinevelop ng multisys ang nasabing application para sa contact tracing at pagbibigay babala sa posibleng banta ng COVID-19 infection sa isang lugar na maaaring gamitin ng mga lokal na pamahalaan at pribadong kumpaniya.
