Naisumite na ni Pangulong Rodrigo Duterte kay House Speaker Pantaleon Alvarez ang report kaugnay sa deklarasyon ng Martial Law sa Mindanao.
Alas-9:41 kagabi nang matanggap ni Alvarez ang nasabing report.
Samantala, napasakamay na rin ni Senate President Aquilino “koko” Pimentel ang naturang report alas-9:55 kagabi.
Sa ilalim ng saligang batas, ang Pangulo ay mayroong 48 oras para ipaliwanag sa Kongreso ang nilalaman ng deklarasyon ng martial law.
Martes ng gabi nang isailalim sa batas militar ng Pangulo ang Mindanao kasunod ng nangyaring bakbakan sa pagitan ng militar at Maute group sa Marawi City.
By: Meann Tanbio / Jill Resontoc
