Iprinisenta ng Department of Public Works and Highways (DPWH) ang mga plano nilang imprastraktura para masulusyunan ang halos taon-taong problema sa baha.
Sa imbestigasyon ng senado kaugnay sa naranasang malawakang pagbaha sa luzon matapos manalasa ang bagyong Ulysses, sinabi ni Engr. Jerry Fano ng DPWH, dapat matuloy ang phase 4 ng Pasig- Marikina river basin kung saan magtatayo ng flood walls.
Nakasaad din sa proposal ang planong pagtatayo ng manggahan control gate structure na kayang sumalo ng mas maraming tubig baha.
Andyan din ang panukalang Marikina dam na may flood control function para makahigop din ng tubig baha sa panahong tumataas ang tubig dahil sa lakas ng ulan.
Samantala, sinabi naman ni DPWH Undersecretary Emil Sadain na maayos ang disensyo nila para sa flood control projects hinihintay na lamang aniya ang pag-apruba ng NEDA at pagpapalabas ng pondo.
Inaasahan umanong matatapos ang proyekto sa loob ng 3 hanggang 5 taon.