Inihayag ni Committee on Ways and Means at Basic Education Chairman Senator Sherwin Gatchalian na suportado ng senado at kamara ang “Sim Registration Bill”.
Sa panayam ng DWIZ, sinabi ni Senator Gatchalian na ito ay para mahinto ang mga krimen na nangyayari sa bansa.
Itong…siguro mga huling taon nakita natin katakot-takot yung spam text, ‘yung mga panloloko sa internet katakot-takot din ‘yung mga panloloko sa mga kababayan natin pagdating sa mga text. Nagagawa kasi ito ng mga kawatan dahil nakakabili sila ng prepaid sim card at hindi nakarehistro sa kanila. So ngayon dahil magiging batas na itong registration ng prepaid sim card malalaman na natin kung sino ang gumagawa nito at mabilis na mahanap ‘yung mga kawatan at masasamang elemento na gumagawa nitong panloloko sa pamamagitan ng prepaid sim card.
Samantala, sinabi ng senador na posibleng maisabatas ang “Sim Registration Bill” sa susunod na dalawa hanggang apat na linggo.
Ito minamadali rin dahil gusto rin ng administrasyon na maisabatas na rin ito…so ang nakikita kong time table dito…hopefully the next 2 weeks to 4 weeks, ganu’n ‘yung time table.
Ang tinig ni Committee on Ways and Means at Basic Education chairman Sherwin Gatchalian sa panayam ng DWIZ