Patay ang isang senior citizen habang sugatan ang kaniyang apo matapos ang pagguho ng lupa sa boundary ng Mankayan at Buguias sa lalawigan ng Benguet.
Nangyari alas diyes kagabi sa upper cotcot sa Bangao ang naturang landslide na ikinasawi ni Gloria Rolando Langwan, 72 taong gulang samantalang sugatan ang 10 taong gulang na apo nitong si Ben Rafael Langawan.
Ayon kay Police Chief Master Sergeant Rogelio Pedro, Investigation Officer ng Buguias Municipal Police Station natutulog ang mga biktima sa kanilang bahay nang mangyari ang landslide.
Bukod sa Buguias nakapagtala rin ng landslide sa Bokod, Benguet.
Batay sa datos ng Benguet PDRRMO 19 katao ang inilikas dahil sa pagguho ng lupa at dalawang bahay ang napinsala.
