Hindi makakadalo si Senior Associate Justice Antonio Carpio sa pagpapatuloy ng impeachment hearing laban kay Chief Justice Maria Lourdes sa darating na Lunes, Enero 15.
Sinabi ni House Justice Committee Chairman Reynaldo Umali na lumiham sa komite si Carpio kung saan sinabi nito na wala siyang ‘personal knowledge’ sa mga usapin na isinaad nila sa kanilang reply sa mahistrado.
Ang reply na ito ay alinsunod sa clarification na hiningi ni Carpio sa komite patungkol sa mga ‘topic’ na masasakop ng mga itatanong sa kanya sakaling dumalo sa pagdinig sa reklamong impeachment laban sa punong mahistrado.
Gayunman, kumpirmadong dadalo sa impeachment hearing sa Lunes sina Associate Justice Diosdado Peralta, Associate Justice Lucas Bersamin at iba pang mahistrado ng korte suprema na naunang tumestigo sa pagdinig.
