Naniniwala si Commission on Elections (COMELEC) Chairman Andres Bautista na honest mistake ang nagawa ni Senadora Grace Poe sa paghahain nito ng kanyang certificate of candidacy.
Ito ang inihayag ni Bautista sa 53 pahinang separate concurring at dissenting opinion sa inilabas na desisyon ng COMELEC En Banc na pumapabor sa naging desisyon ng dalawang dibisyon nito na nagbabasura sa kandidatura ng sendora.
Ayon kay Bautista, bagama’t may mali nga sa mga impormasyong inilatag ni Poe sa kaniyang COC kaugnay sa kanyang residency at citizenship, naniniwala siyang hindi ito sinadya para lituhin ang taumbayan.
Isa si Bautista sa mga bumoto pabor kay Poe ngunit natabunan ang kanyang boto nang magpasya ang mayorya na katigan ang naunang desisyon ng 1st at 2nd Division ng COMELEC kontra naman sa senadora.
By Jaymark Dagala
