Magsasagawa umano ng special raffle ang Korte Suprema sa disqualification case ni Sen. Grace Poe.
Inaasahang maghahain na si Poe ng kanyang petition for certiorari sa mataas na hukuman ngayong araw para i-apela ang desisyon ng Commission on Elections.
Una nang binigyan ng poll body ng 5 araw si Poe para magsampa ng kanyang apela sa naturang hatol.
Sakaling hindi makakuha ng Temporary Restraining Order o status quo ante si Poe mula sa korte ay namemeligro itong matanggal sa listahan ng mga presidential candidates at maalis sa official ballot.
Matatandaang nagpasya ang COMELEC na i-disqualify si Poe dahil hindi ito natural-born Filipino at hindi rin nito nakuha ang residency requirement para makatakbo sa halalang pampanguluhan sa susunod na taon.
By: Jelbert Perdez
