Naghain si Senate President Franklin Drilon ng resolusyon upang kilalanin ang pagkapanalo ni Pia Alonzo Wurtzbach sa 64th Miss Universe pageant.
Ayon kay Drilon, ang pagiging positibo at pagkakaroon ng determinasyon ni Wurtzbach upang maabot ang kanyang pangarap ay isang mabuting halimbawa at magandang inspirasyon sa kanyang mga kababayan lalo sa kabataan.
Nakasaad din sa Resolution 1698 ng senador na ang paniniwala ni Pia na ang pagiging Miss Universe ay isang karangalan at responsibilidad sa sangkatauhan ay isang manipestasyon ng kanyang malalim na malasakit sa kanyang mga kababayan.
Isa anyang malaking karangalan na masungkit ng Pilipinas ang ikatlong korona sa Miss Universe na huling isinuot ng isa ring Filipina noong 1973.
By Drew Nacino | Cely Bueno (Patrol 19)
