Pirmado na umano ni Pangulong Rodrigo Duterte ang Joint Resolution Number 1 o ang pagtataas ng pension sa mga nasa unipormadong hanay tulad ng militar at pulisya.
Ito’y ayon kay Senador Panfilo Lacson na miyembro ng PMA o Philippine Military Academy Class of 1971 sa kaniyang twitter post.
Nakasaad doon ang pagpapasalamat niya sa ngalan ng may 250,000 military & uniformed personnel kay Pangulong Duterte dahil sa nasabing hakbang na aniya’y magpapatuloy umano sa kanilang laban sa buhay.
Una nang inaprubahan ng DBM o Department of Budget and Management ang umento sa pensyon kung saan nagpalabas ito ng 50 bilyong piso para rito.
Magugunitang isinulong nila Lacson at dating sen. Gringo Honasan ang dagdag na 15,000 piso para sa old – age pension para sa may halos 5,00 senior veterans.