Posibleng magbago ang isip ni Sen. Christopher Bong Go kaugnay sa desisyon nitong tumakbo sa 2022 Presidential Elections.
Ito’y matapos ihayag noon ni Pangulong Rodrigo Duterte na nais ni Go na maging susunod na Presidente ng Pilipinas.
Ayon kay Go, wala siyang interes tumakbo sa nasabing posisyon at sa malamang ay nagbibiro lang ang Pangulo nang sabihin niya ito.
Ngunit sinabi ni Go na maaaring magbago rin ang kaniyang isip sakaling ikunsidera ni Pangulong Duterte na tumakbo sa 2022 elections bilang kaniyang Bise Presidente.
Una rito, inihayag ni Deputy Speaker Eric Martinez na isang resolusyon ang kumakalat mga miyembro ng PDP Laban para ipanawagan o himukin ang Pangulo na tumakbo bilang Bise Presidente.
Layon aniya nito na maipagpatuloy ng pangulo ang mga polisiya na kaniyang nasimulan.
