Aminado si Senator Bam Aquino, chairman ng Senate Committee on Basic Education at Committee on Science and Technology, na hindi na niya inaasahan na mabago pa ang desisyon ng Korte Suprema kaugnay sa naging pasya nito sa impeachment case ni Vice President Sara Duterte.
Sinabi ni Senator Aquino, na malabo nang maiba ang posisyon ng mga Supreme Court justices.
Sa panayam ng DWIZ, binigyang-diin ng senador na mahalaga na manindigan ang Senado sa papel nito sa Konstitusyon anuman ang maging hatol ng Korte Suprema kaugnay sa isyu ng impeachment case ni VP Sara.
Dagdag pa ng senador, hindi tungkol sa pagiging inosente o pagkakasala ni VP Duterte ang basehan ng kanyang naging boto, kundi sa kung anong dapat ginagampanan ng Senado sa Konstitusyon, lipunan at kasaysayan.
