Bukas si Senador Sonny Angara sa pakikipag-alyansa sa partido ng administrasyon na PDP-LABAN sa darating na 2019 midterm elections.
Ito ay matapos na mapabilang si Angara sa mga ikinukunsidera ni Senate President Koko Pimentel para sa senatorial slate ng PDP-LABAN.
Ayon kay Angara, wala pa siyang natatanggap na anumang alok para tumalon sa PDP-LABAN.
Iginiit din ni Angara, ang Laban ng Demokratikong Pilipino lamang ang tangi niyang partido.
“Wala namang alok na ganun. Siguro alam nila na myembro padin tayo ng partido, yung Laban ng Demokratikong Pilipino and that’s been our only political party simula noong nag-umpisa tayo sa politika noong 2004 at open naman tayo sa mga alliances. Often times kung titingnan natin sa kasaysayan madalas during the midterm elections, yung alliance is led by the administration party.”
(From Usapang Senado Interview)
