Napatunayan umanong may problema sa secret voting system na ipinatupad sa kompirmasyon ng na-reject sa Commission on Appointments o CA na si dating Environment Secretary Gina Lopez.
Ayon kay Senador Bam Aquino, bukod sa accountability, may issue rin pagdating sa honesty o katapatan ng mga miyembro ng CA hinggil sa pagsasapubliko ng kanilang boto.
Sinabi rin ni Aquino na tatalakayin niya sa CA Minority kung kailangang repasuhin o baguhin ang secret voting system.
Una ng iginiit ni Senador Panfilo Lacson na hindi kailangang mag-manifest ang isang CA member ng kanyang boto sa plenary session ng komisyon dahil salungat ito sa diwa ng secret voting.
By Drew Nacino |With Report from Cely Bueno
