Tiwala si Justice Secretary Leila de Lima na nasa bansa pa sina Gerardo Limlingan at Eding Baloloy, ang mga sinasabing bagman umano ni Vice President Jejomar Binay.
Ayon kay de Lima, ito ay batay na din sa record ng Bureau of Immigration (BI) na ibinigay sa kaniyang tanggapan.
Sa tala, huling umalis ng bansa si Limlingan noong 2003 at 2014 naman ang huling biyahe ni Baloloy.
Sa kabila nito, hindi naman iniaalis ni de Lima ang posibilidad na gumamit ng private plane ang dalawa, papalabas ng bansa.
By Katrina Valle
