Ipinag-utos ni Transportation Secretary Arthur Tugade sa lahat ng department heads at iba pang opisyal ng DOTR na isumite ang kanilang mga Statement of Assets, Liabilities, and Net worth (SALN) sa task force ng justice department.
Ayon kay Tugade, kabilang sa mga kinakailangang magsumite ng SALN ay mga chief-of-staff ng mga opisyal, secretaries, executive assistants na may kaugnayan sa project management at procurement.
Pagtitiyak ni Tugade, may itinalaga na itong grupo na mangongolekta at magsasagawa ng pagrerebyu sa mga SALNs ng kanilang mga opisyal.
Nauna rito, ipinag-utos ni Pangulong Rodrigo Duterte sa justice department ang pangunguna sa ‘mega task force’ na sisiyasat sa posibleng korapsyon sa iba’t-ibang ahensya ng pamahalaan.
