Dalawang linggong extention pa ng enhanced community quarantine ang apela ni Cong. Joey Salceda sa Inter Agency Task Force (IATF).
Ayon kay Salceda, hindi pa nararating ng bansa ang punto na pwede nang tanggalin ang enhanced community quarantine (ECQ).
Posible anyang umabot lamang sa 80,000 ang mabigyan ng coronavirus disease 2019 (COVID-19) test hanggang April 30 na katumbas lang ng .1% ng ating populasyon.
Mas malaki anya ang posibilidad na marami pang hindi nasusuri na carrier subalit walang ipinakikitang sintomas.
Ayon kay Salceda, maituturing na kapabayaan ang pagtanggal sa ECQ dahil parang ini-expose na rin sa COVID-19 ang kabuuang populasyon ng bansa.
