Malaki ang tyansang magkaroon muli ng Oil Price Rollback kung masusundan pa ang interest hikes ng US at iba pang mga bansa.
Sa panayam ng DWIZ, sinabi ni Department of Energy-oil Industry Management Bureau Director Rino Abad na isa ito sa mga dahilan ng rollback sa produktong petrolyo noong mga nagdaang linggo.
Magkakaroon aniya ng policy rate review ang Amerika sa darating na July 26 hanggang 27.
Mababatid na tatlong sunod na linggo nang nagkaroon ng rollback sa langis, kung saan ngayong araw ay epektibo na ang limang pisong bawas-presyo sa kada litro ng gasolina, dalawang piso sa kada litro ng diesel at 0.70 sentimos naman sa kada litro ng kerosene.
May mga pinag-uusapan din 100 basis point, ibig sabihin 1% po yung posibleng pinapareview ng U.S. ah, well, mga analysis lang po ‘yan. Ah hindi pa po natin sigurado kung magkano talaga yung paglalabas o baka naman wala, o yung mahirap o yung wala, hindi tayo sigurado ano kung matutuloy pa po yung mga rollback. Ang sigurado po natin ay talagang meron.
Ang pahayag ni DOE-oil Industry Management Bureau Director Rino Abad sa DWIZ.
