Inihayag ng Department of Energy (DOE) na posibleng magkaroon ng oil price rollback o bawas-presyo sa produktong petrolyo at liquefied petroleum gas o LPG sa bansa sa susunod na linggo.
Ayon kay oil industry management bureau director, Atty. Rino Abad hindi malabo na ipatupad ang nakikita nilang rollback sa Mayo a-uno.
Bagama’t hindi binanggit ni Abad kung magkano ang ipatutupad na bawas-presyo ng gasoline, diesel at LPG, ngunit kanyang ipinunto na malakihan ang nakikita nilang roll back.
Samantala, binigyang-diin ni Abad na ang panibagong rollback ay dahilan ng paghina ng epekto ng sigalot sa pagitan Russia at Ukraine sa Pilipinas.