Matapos ang limang linggong oil price hike, asahan naman bukas, araw ng Martes, ang rollback sa presyo ng produktong petrolyo.
Sa abiso ng Pilipinas Shell Petroleum Corp., tatlong piso ang ibabawas sa kada litro ng diesel; tatlong piso at kwarenta sentimos sa kada litro ng kerosene, habang wala namang paggalaw sa presyo ng gasolina.
Magpapatupad din ng kaparehong adjustment ang Cleanfuel at Petro Gazz maliban sa mga produktong kerosene.
Epektibo ang oil price rollback ala-6 ng umaga bukas maliban sa Cleanfuel na magpapatupad ng tapyas-presyo dakong alas-8:01 ng umaga.
