Hindi umano dapat seryosohin ang banta ni Pangulong Rodrigo Duterte sa pagdedeklara nito ng revolutionary government sakaling may magtangka na patalsikin siya sa puwesto.
Ayon kay Foreign Affairs Secretary Allan Peter Cayetano walang nababanggit na ganitong plano sa kaniyang mga dinaluhang pulong kung saan kasama ang Pangulo.
Isa lamang aniya itong figures of speech ng Pangulo kung saan paraan niya para ipahayag ang kaniyang saloobin.
Tiniyak ni Cayetano na malayo sa katotohanan ang naturang banta ng Pangulo.
Una na rin nagpahayag ng pagtutol ukol dito ang Department of National Defense o DND at Armed Forces of the Philippines o AFP.
—-
