Dead on arrival ang retiradong pulis na nakilalang si Patrolman Rodrigo Soldevillo, makaraang pagbabarilin ng hindi nakilalang mga suspek na lulan ng tatlong motorsiklo sa Sibulan, Negros Oriental.
Sinabi ng hepe ng Sibulan Police Station na si Capt. Enreque Asonio, nakikipag-inuman si Soldevillo at sa kanyang mga kasamahan sa tapat ng pag-aari nitong tindahan, nang biglang dumating ang ilang kalalakihan na pawang mga naka-helmet at sakay sa tatlong motorsiklo.
Agad bumaba ang isang lalake at pinagbabaril ng makailang beses ang retiradong pulis na naging dahilan ng kanyang kasawian.
Hindi naman inaalis ng mga otoridad ang posibilidad na may nakaaway sa isang sabungan si Soldevillo na syang ugat ng pamamaslang.
Sa ngayong nagpapatuloy ang isinasagawang imbestigasyon pulisya sa nangyaring krimen.
