Pinag-aaralan ng Department of Public Works and Highways ang paglalagay ng jogger’s lane sa bagong tayong seawall sa kahabaan ng Manila Bay.
Ito’y ayon kay DPWH – NCR Director Melvin Navarro ay matapos nitong i-anunsyo na malapit na nilang matapos ang mahigit siyamnaraang lineal meter na seawall.
Tinatayang aabot sa halos 300 Milyong Piso ang naturang proyekto kung saan, inilagay din sa naturang seawall ang steel bars na mag-aabsorb at makababawas sa puwersa ng alon.
Ito ang inaasahang first line of defense ng Maynila mula sa mga daluyong o storm surges sa Manila Bay sa sandaling may dumaang bago o kahit anong sama ng panahon.
