Ibinahagi ni Presidential Adviser for Entrepreneurship Joey Concepcion sa laging handa public briefing na maganda ang naging pasok sa kita ng mga nasa restaurant business sa mga unang araw na naging epektibo ang alert level 1 sa Metro Manila at 38 pang lugar sa bansa.
Ito ang ibinalita ni kaugnay sa pagbubukas muli ng ekonomiya matapos ang halos dalawang taon na lockdown dahil sa COVID-19.
Ayon kay Concepcion, masaya ang mga negosyante dahil makakapagsimula na muli ang mga ito at umaasang magtutuloy-tuloy na ang magandang sitwasyon ng bansa mula sa epektong idinulot ng pandemya.
Dagdag pa nito, matumal ang unang quarter sa pagnenegosyo at ngayong halos 100% na ang operasyon ng mga negosyo, umaasa silang makakabawi sa umpisa ng second quarter ng taon. – sa panulat ni Mara Valle
