Resolusyong humihiling ng reinvestigation sa Espinosa killings naihain na

Naisumite na ng minorya sa Senado ang resolusyon na nagsusulong na imbestigahan ang ginawang pagpapalabnaw sa kaso ng mga sangkot sa pagpatay kay dating Albuera Mayor Rolando Espinosa Sr.

Nakapaloob sa Senate Resolusyon 417 na inihain ni Senadora Risa Hontiveros ang pagkabahala sa ginawang pagpapalabnaw ng kaso laban kina Supt. Marvin Marcos gayundin sa mga tauhan nito.

Kasunod nito, hiniling din ng mga Senador mula sa minorya pagpaliwanagin si Justice Secretary Vitaliano Aguirre kung bakit hiniling ng mismong mga taga-usig na ibaba sa homicde mula sa murder ang kaso laban kina Marcos.

Binigyang diin ng Minority Senators na ang kanilang hakbang ay bahagi ng kanilang mandato bilang mga mambabatas na magsagawa ng check and balance sa ehekutibo.

By: Jaymark Dagala / Cely Bueno

Comments

comments