Inaasahan na naresolba na ng mga investigating panel of prosecutor ang mga kontrobersyal na kaso na isinampa sa Department of Justice o DOJ noong isang taon.
Ilan sa hinihintay na resolusyon ay ang kaso ng pagkakapatay umano ng mga pulis – Caloocan kina Kian Loyd Delos Santos, Carl Angelo Arnaiz at Reynaldo ‘Kulot’ De Guzman.
Inaantabayan din ngayong taon ang resolusyon sa kaso ng sinasabing bigtime drug smuggler ng Cebu na si Peter Lim, maging ang umano’y rice smuggler na si Davidson Bangayan at iba pa.
Kabilang din sa posibleng desisyunan ng DOJ ang kaso ng sikat na aktor na si Richard Gutierrez na nahaharap sa tax evasion case.
