Dahil sa pagbaha nagsagawa ng rescue operations sa Batangas ang Philippine Red Cross (PRC) bunsod ng epekto ng bagyong Rolly.
Sa pahayag ng PRC, ito’y matapos na makatanggap sila ng ilang mensahe sa mga residente ng lugar na humihingi na ng tulong o kaya’y nagpapasaklolo dahil sa bahang dala ng bagyo.
Ilan sa mga Barangay na pinuntahan ng rescue team ng PRC, ay ang Tierra Verde Subdivision sa Barangay Pallocan West at Barangay San Isidro.
Sa datos ng red cross Batangas chapter, aabot na sa higit 100 mga indibwal ang kanilang na-rescue sa kasagsagan ng pananalasa ng Bagyong Rolly.
