Muling umapela si Marinduque Rep. Lord Alan Velasco kay House Speaker Allan Peter Cayetano na magkaroon ito ng palabra de honor.
Ito’y upang masunod ang ipinangako nilang term sharing agreement sa harap ni Pangulong Rodrigo Duterte na nakatakda sa Oktubre 14.
Ayon kay Velasco, masyado na aniyang nababalam ang kanilang trabaho partikular na ang pagpasa sa taunang budget para sa susunod na taon dahil sa banggaan sa pagitan nilang dalawa.
Kasunod nito, humingi ng paumanhin si Velasco kay Pangulong Duterte at sa sambayanang Pilipino sa nangyayaring hidwaan sa pagitan nilang dalawa ni Cayetano.
Nakahihiya aniyang nagkakagulo ang mga mambabatas sa kongreso dahil sa pagiging pinuno nito gaying mas maraming batas ang kailangang maipasa salig na rin sa kanilang mandato.
