Kasalukuyang naghahanda ng relief operations si vice president Leni Robredo para sa mga residenteng naapektuhan ng pagputok ng Bulkang Bulusan sa Sorsogon.
Ayon kay Robredo, kabilang sa mga pangunahing kailangan ng mga residente ang face masks at bottled water.
Agad naman aniyang pupunta sa apektadong lugar ang kaniyang team at patuloy na aalamin ang iba pang pangangailangan ng mga residente.
Nabatid na nabalot ng ashfall ang apat na barangay sa bayan ng Irosin at Juban.
