Pinadadagdagan ni Senadora Grace Poe ng limang bilyong piso ang pondo para sa pagsasaayos at muling pagbangon ng Marawi City.
Ayon kay Poe, ang dagdag na halaga ay magiging bahagi ng inisyal na 20 bilyong pisong pondo na ilalabas ng pamahalaan sa loob ng tatlong taong rekonstruksyon ng nabanggit na lungsod.
Samantala, inirekomenda naman ni Senador Juan Miguel Zubiri na gawing rehabilitation czar si Defense Secretary Delfin Lorenzana.
Aniya, mahalagang may gumanap sa nabanggit na tungkulin dahil mayroon pa ring mga armadong grupo sa paligid ng marawi at ito ay maituturing na isang conflict area.
—-