Posibleng ilabas na anumang araw ng gobyerno ang “Reformulated” na “No vaccination, no ride” policy sa Metro Manila.
Ito ang ibinunyag ni Labor Secretary Silvestre Bello III, matapos ang kanilang Cabinet meeting nina Secretaries Art Tugade ng Transportation, Berna Romulo-Puyat ng Tourism at Eduardo Año ng Interior and Local Government.
Gayunman, nilinaw ni Bello na ang Department of Transportation ang mag a-anunsyo ng nirepasong polisiya.
Samantala, kinumpirma naman ni Transportation Assistant Secretary Goddes Hope Libiran na ilalabas ngayong linggo ang “reformulated” policy.
January 17 nang ipatupad ang “No vaccine, no ride” policy sa Metro Manila na umani ng iba’t ibang reaksyon mula sa publiko.
