Halos 5 milyong doses ng reformulated Pfizer vaccine ang inaasahang darating sa bansa ngayong buwan.
Ayon kay vaccine Czar Carlito Galvez Jr., darating sa February 12 ang 780,000 doses ng Pfizer vaccine habang inaasahan naman ang nasa 4 milyong bakuna sa February 23 at 28.
Ang nasabing mga bakuna ay hindi lamang ilalaan sa Metro Manila kundi maging sa iba pang mga lalawigan upang maumpisahan na rin ng mga ito ang pagbabakuna sa mga batang edad 5 hanggang 11.
Samantala, tiniyak naman ni Galvez na agad ipo-proseso ng FDA ang aplikasyon ng iba pang vaccine brands para sa nabanggit na age group.
