Inihalintulad ni Senate Minority Floor Leader Ralph Recto sa asong tahol ng tahol subalit bihirang mangagat ang Pangulong Rodrigo Duterte.
Ito ay matapos muli siyang magbanta na magdedeklara ng Martial Law.
Sinabi ni Recto na ang naturang pahayag ay dapat isama na lamang sa naunang banta ng Pangulo, kabilang na ang pag je – jet ski patungo sa Spratly’s at ang pagpapakain ng mga bangkay ng salvage victims sa mga isda sa Manila Bay.
Binigyang diin din ng Senador na walang basehan ang Pangulong Duterte para magdeklara ng Batas Militar.
Samantala, pinaghahanda naman ni Senator Antonio Trillanes IV ang mga Pilipino sa paglaban sa panibagong diktador.
By: Katrina Valle / Cely Bueno
